8 майыште лекше номер, мутат уке, Кугу Отечествен- ный сарыште фашист каша- кым сеҥыме дене кылдалтше материал дене тӱҥалеш. Тиде кугу пайрем вашеш тулан жапым эртыше-влак дене ваш- лиймаш Йошкар-Ола историй тоштерыште эртен. Тушко тений мыняр ветеран толын – «Сар корно кажныжын тӱрлӧ лийын…» материал каласкала.
Марий Элысе ялозанлык предприятий-влак пытартыш жапыште чылаже мыняр тонн шӧрым ыштен налыт. Тудо могай ак дене ужалалтеш? Фермерын але тӱшка ялозанлык предприятийын роскотшым петыраш сита але уке? Чыла тидын нерген «Шӧр оҥго: парышан але парыман?» материалыште лудса.
«Пызлытул» лаштык молгунамсе семынак кӱлешан увер да ой-каҥашлан поян. Ты гана тушто Курыкмарий кундемыште илыше пашан ветеранже Пелагия Иванова дене палдарыме.
20 апрельыште Марий Элын сулло журналистше Юрий Исаковлан 60 ий темын. Тудын лӱмгечыже кузе эртыш – «Тый пуышыч чон шулдырым мылам…» материал палдара.
«Сылнымут садвечыште» лаштыкыште ты гана Дина Рычкован «Сеҥымаш си- рень» произведенийжым лудса.
А 11 майыште лекше газетыштына Йошкар-Олаште Сеҥымаш парад нерген кугу фоторепортаж темлалтеш. Тений кузе тудо эртен, кумдан каласкалыме.
Тиде еш иктаж ялыште огыл, а Йошкар-Олаште ила, туге гынат, вич шочшым он- чен кушта. «Ӱдырамаш корно» мужыр лаштыкын унаже-влак – рӱдолаштына илыше вате-марий Наталья ден Денис Кублицкиймыт. Шке жапыштыже чолга ӱдырамаш Марий Элысе шуко шочшан еш-влакын пра- ваштым аралыше «Большая семья» мер организацийым чумырен да кызытат тудым вуйлата. Чыла тидын нерген «Вич шочшо шуко мо?» материалыште лудса.
Г.Кожевникова
