КРИМИНАЛ

Оксам пӧртылтен гынат…

Еҥ-влакын намысышт йӧршеш йомаш тӱҥалын, коеш.

«Навигатор приключений» каныме рӱдерын директоржо Марий Элысе образований да науко министерствыш  «Вовлечение молодежи в предпринимательскую деятельность в Республике Марий Эл на 2011-2015 годы» республиканский целевой программыш ушнышашлан конкурсыш шке бизнесшым почаш да вияндаш шонымаш дене бизнес-планжым пуэн. Тиде пашаже конкурсышто сеҥен. Тыге организаций республикын бюджетше гыч субсидийым пуымо нерген ойпидышым ыштен. Тылеч вара рӱдерын  расчетный счётышкыжо окса пурен. Но тудым вуйлатыше шке кӱлешыжлан кучылтын. Тыге республикын образований да науко министерствыжлан 78 тӱжем теҥге утла эҥгек ышталтын. Но тиде факт шотышто шымлымаш  тӱҥалмеке, шолыштмо оксам пӧръеҥ шке кумылын пӧртылтен.

Туге гынат суд тудым титаканлан шотлен да 2 ий испытательный срок дене эрык деч посна кум ийлан условно кодаш пунчалын, палдара республикысе прокуратурын пресс-службыжо.

Л.Камалетдинова.

Опубликовать в Одноклассники