Апрель мучаште Йошкар-Оласе «Арена» манежыште «Белая мишка-2018» тазалык спартакиаде лийын. Тудо «Единая Россия», Марий Эл самырык-влакын политикышт, спорт да туризм, Образований да науко министерстве-влакын полшымышт дене эртен.
Тушто кундемнан тўрлє общеобразовательный школ гыч 8-9 класслаште тунемше-влак вийыштым тергеныт. «Йоча спорт» проект самырык тукымын тазалыкштым пеҥгыдемдыме деч посна илышыш культурым, патриотизм шўлышым шыҥдарыме дене кылдалтын.
Тыгай сынан спартакиаде республикыште икымше гана эртаралтын. Тўҥ шонымашыже – самырык ўдыр-рвезе-влакым физический культурлан, спортлан, таза илыш-йўлам кучаш, чытышан лияш, тунемше-влакым ГТО нормативым сдатлаш ямдылалташ кумылаҥдаш.
Ялласе кандаш школ гыч кандашле ўдыр-рвезе спортын кандаш видыштыже (мини-футбол, шашке, 4Х100 эстафете, 100 метрыш куржталмаш, вер гыч кужытыш тєрштымаш, кўвар гыч шкем нєлтымаш, турникыште шкем нєлтымаш, комдык киен 30 секундышто капым нєлталмаш) вийыштым тергеныт.
Волжский районын чапшым Сотнур кыдалаш школын 8-ше классыштыже тунемше-влак араленыт. Тиде – А.Артемьева, В.Кузьмина, В.Петров, В.Дмитриев, Р.Александров, М.Александров, Н.Пирогов, И.Александров, Н.Ямбаев, М.Михайлов. Нуным тренер О.Иванов ямдылен.
Ончылгоч кажне кечын кыртмен ямдылалтмылан кєра ўдыр-рвезе-шамыч, чынжымак, куандарыше результатым ончыктеныт. Команде дене, тыгак шкет таҥасымаште вич икымше, кок кокымшо верым налыныт. А.Артемьева 100 метрым куржмаште да вер гыч кужытыш тєрштымаште эн ончыко лектын. В.Кузьмина 45 гана отжиманийым ыштен икымше верыш лектын, а комдык возын капым нєлтымаште соперникше деч ик очколан почеш кодын, кокымшо верым налын. 100 метрым куржмаште да вер гыч кужытыш тєрштымаште С.Петровым иктат ончылтен кертын огыл. Шашке дене модмаште С.Михайлов «шєртняҥын», а Р.Александров кумшо верым налын.
Н.Пирогов комдык возын капым нєлтымаште, чаманен каласыман, соперникше деч лач ик очколан почеш кодын. Турникыште шкем нєлтымаште В.Дмитриев кокымшо лийын.
Ӱдыр-рвезе-влакым мокталтыме веле шуэш. Чыла команде коклаште Сотнур кыдалаш школ (9 балл) икымше верым налын. Советский районысо Ушнур кыдалаш школ (26 балл) ший медальын озаже лийын. Кумшо верыште – Шернур районысо Марисола школ (28 балл).
Сеҥыше ден призёрыш лекше команде-влаклан кубок ден шарнымашан пєлекым кучыктеныт.
***
«Лицей-интернат», Ургакш, Советский район (29 балл)
Чакмарий школ, Звенигово район (37 балл)
Руэм школа, Медведево район (37 балл)
Какшамарий школ, Звенигово район (41 балл)
Косолап школ-интернат, Марий Турек район ( 43 балл)
В.Иванова,
Сотнур кыдалаш школ.
