УВЕР ЙОГЫН

Евстифеевым Россий Правительствын Россий Федерацийыште региональный вияҥмаш шотышто комиссийышкыже пуртеныт

Марий Эл Республик вуйлатыше Александр Евстифеевым Россий Правительствын Россий Федерацийыште региональный вияҥмаш шотышто комиссийышкыже пуртеныт, палдара Марий Эл Республик вуйлатышын организаций да аналитике виктемже. 

Тидын нерген пунчалым 17 апрельыште Россий Правительстве председатель Дмитрий Медведев подписатлен.

Документ дене келшышын, комиссийын у составышкыже РФ Президентын полышкалышыже Николай Цуканов, чоҥымо паша да илыме вер ден коммунал озанлык министрын алмаштышыже Андрей Чибис, Российын инновационный регионжо-влак ассоциаций директор Иван Федотов, тыгак элын 20 субъект вуйлатышыже пурталтыныт.

РФ Правительствын официал сайтыштыже палемдыме почеш, комиссийын тӱҥ пашаже – стратегический да территориальный планирований механизм-влакым кучылтмо, межбюджетный трансфертым формироватлыме да пуымо шотышто единый манме принцип ден подходым ямдылымаш да икмыняр молат.

Комиссийын пашажым Россий Федераций Правительстве председательын алмаштышыже Дмитрий Козак вуйлата.

Л.Камалетдинова.

Опубликовать в Одноклассники

Добавить комментарий