УВЕР ЙОГЫН

Марий Элыште Европейский иммунизаций арня эрта

23 гыч 30 апрель марте Европейский иммунизаций арня эрта. Тудо калыкын тазалыкшым иммунизаций йӧн дене арален кодымылан виктаралтын. 

Профилактике шотан прививкым ыштыме дене натуральный шедырам пытарен шуктымо гаяк. А вет шке жапыштыже тудо тичмаш ял ден олам веле огыл, эсогыл элым пытарен. Кызыт Европысо шуко элын Тазалыкым аралыме тӱнямбал организацийын полиомиелит деч эрыкан улмыжым пеҥгыдемдыше сертификатше уло. Ырлыган дене черланыме случай палынак иземын, а южо элыште шукертак уке.

2002 ий гыч Россий Европысо моло эл дене пырля полиомиелит деч эрыкан улмо статусым куча да тиде черым пытарен толеш.

Ий еда йоча ден кугыеҥ-шамычлан грипп ваштареш иммунизаций эртаралтеш. Тидыже грипп эпидемийым да тудын ситыдымашыжым луштараш сай йӧным ышта.

Вакцине айдемым шучко да осал чер деч арала. Но тиде тудын икымше да пытартыш пайдаже огыл: вакцине полшымо дене осал черым тичмашнек сорлыклаш лиеш. Прививке писынрак черланен кертше-влаклан, ты шотыштак изи йоча-шамычлан, палемдалтын. Иммунизацийлан кажне айдемын праваже уло.

Йошкар-Оласе Келшымаш уремын 95-ше пӧртыштыжӧ верланыше СПИД-рӱдерыште пудий энцефалит, дифтерий-коклюш-столбняк-полиомиелит-гемофильный инфекций-В гепатит (инфанрикс-гекса, инфанрикс), А гепатит, Зоннен дизентерийже, пневмококкан инфекций (пневмо 23 да превенар 13), ӱдыр-шамычлан авагудо шейкын ракше, герпетический инфекций (витагерпавак), менингококкан инфекций (менактра) деч прививкым ыштыкташ лиеш. Регистратурын телефонжо: 63-05-80.

М.ИВАНОВА.    

Опубликовать в Одноклассники

Добавить комментарий