Йошкар-Олаште Российыш пурташ чарыме 90 килограмм наре олмам мумо да закон почеш пытарыме.
Марий транспорт прокуратур опт-рознице склад-влакым терген да ик предпринимательын «санкционкым», Польша гыч кондымо олмам, ужалымыжым рашемден. Санкций почеш, Польшышто ончен куштымо олмам Российыште эше идалык мучаш марте ужалаш огеш лий.
Предпринимательын 87,5 килограмм олмажым поген налме да закон почеш пытарыме.
Индивидуальный предприниматель шотышто административный правам пудыртымо нерген делам тарватыме, кызыт тудым Роспотребнадзорын Марий Элысе виктемыштыже ончат.
М.ИВАНОВА.
