Йоча-влак тӱҥ шотышто кеҥежым сусыргат, тидлан кӧра эсогыл илыш гыч каят. Молан? Тыгай азап нимогай ешым ойгыш ынже пурто манын, мом ыштыман?..
Шотыш налаш, арален кодаш
Подростко-влак нимо деч огыт лӱд, огыт аптыране, эсогыл нимом огыт жапле да чамане: ны тӱням, ны ача-авам, ны туныктышо-влакым, ны шкеныштым. Пытартыш курымышто нуно чотшак вашталтын огытыл, но нунын йырысе тӱня палынак весемын. Лу-лучко ий ончыч ролик, скейтборд да велосипед дене кудалыштыныт гын, таче шке ямдылыме трюкыштым сниматлат, зданийлашке страховко деч посна кӱзат, электричкын ик вагонжо гыч весышке тӧрштылыт… Иктешлыше сӱрет – Евроушемысе эл-влак дене таҥастарымаште Российыште 15-19 ияш подростко-шамыч 3-5 пачаш шуко колат.
Таче кажне подростко, молын ыштен кертдымыжым ончыктен, кӱчык жапыште кумдан палыме, шке таҥашыже-шамыч коклаште «пагалыме» лийын кертеш. Тышечынак паркур, тарзанке дене тӧрштылмаш, шӱлышым авалтыше моло «модыш» вияҥаш, самырык-шамыч коклаште кумдан кучылталташ тӱҥалыныт.
Кумданрак — «Марий Эл» газетын
2018 ий 24 апрельыште лекше номерыштыже лудын кертыда.
М.ИВАНОВА.