Звенигово районысо Чакмарий тӱвыра да каныме рӱдерыште тыгай лӱман III-шо марий муро фестиваль эртен.
Ансамбль-влак коклаште икымше верыш Иркын ялысе клуб пелен чумырымо Надежда» коллектив, кокымшыш верысе «Юность» группо, кумшыш ты рӱдерынак дуэтше лектыныт.
Посна мурышо-влак коклаште икымше вер дене транспортно-энергетический техникумын мастерже А.Иванов, кокымшо вер дене Чакмарий рӱдерын солисткыже З.Иванова палемдалтыныт. Кумшо верыш Кугу Моламас ял гыч Н.Кузьмина лектын. Чолгалыкым ончыктымылан эше икмыняр еҥым посна палемденыт.
Тыгак ӱмыр лугыч лийше аккомпаниаторышт С.Семеновым ты мероприятийыште шарналтеныт да фестивальыш ушнышо ден ончаш погынышо-влак «Вӱдшӧ йога» мурым иквереш йоҥгалтареныт.
Л.Камалетдинова.
