20-29 мартыште Шернур посёлкысо 1-ше №-ан школышто «Идалыкын туныктышыжо – 2018» республикысе конкурсын муниципальный этапше эртен. Тушто мастарлыкым шым туныктышо ончыктен.
«Идалыкын туныктышыжо» номинацийыште 2-шо №-ан школышто физкультурым туныктышо А.Лазарев сеҥышыш лектын. «Идалыкын воспитательже» номинацийыште «Кӱдыроҥгыр» йочасадын воспитательже М.Попова икымше лийын. «Марий йылмым эн сайын туныктышо» номинацийыште 1-ше №-ан школышто кугыжаныш марий йылмым туныктышо Н.Якимова ойыртемалтын. Нуно районын чапшым республик кӱкшытан конкурсышто аралаш тӱҥалыт.
Л.ШАБДАРОВА.
