УВЕР ЙОГЫН

Экспедиций: «Экотолкын» Марий Элышкат толын шуэш

Марий Эл гоч Балтик гыч Каспий марте шуйнышо «Экотолкын» всероссийский экспедиций эртышаш. 

Тудым эртараш лӱмын кече энергийым кучылтшо катамараным ыштеныт. Эспедицийын маршрутшо элнан эн кугу вӱд корныж дене Санкт- Петербург — Великий Новгород — Москва — Астрахань гоч  эрта. Чылаже тудо Российын 20 субъектшым авалтышаш.  

Инновационный у суднын эртыме корныштыжо пресс-конференций, студент ден тунемше-шамычлан  вашлиймаш-влак эрташ тӱҥалыт. Чыла кумылан еҥ-влак,  тиде ӧрыктарыше судном ончен лектын, тудын куатше, экологий да судостроенийыште у технологий-влак нерген пален налын кертыт.

Элнан 14 олаштыже «Экотолкын» научно-технический фестиваль эртышаш. Тушко мийыше-влаклан лӱмын ончер алан-влакым ыштен ямдылат. Экспедицийын еҥже-влак Российын эн кугу судоходный артерийже мучко Нева, Юл, Ока эҥерла дене тӱрысшӧ вич тӱжем километрым эртышаш улыт. Организатор-влакын ойлымышт почеш, Марий Элыште судно Козьмодемьянскыште 18-19 июльышто шогалшаш.

«Экотолкын» экспедицийым Инженер конкурс да таҥасмаш-влакын национальный рӱдерышт эртара.

С.Носова.

Опубликовать в Одноклассники

Добавить комментарий