УВЕР ЙОГЫН

Марий тӱня: Икымше марий видеазбукым ямдыленыт

YouTube интернет каналыште икымше марий видеоазбукым ончаш лиеш. Тудым Москваште илыше Рыбаковмыт еш ямдылен. Кажне буква нерген изирак мультфильмыште каласкалыме. Кӱчык роликлаште пластилин, пӱгыльмӧ, тумлеге гыч ыштыме але сӱретлыме герой-влак улыт. 

Тиде пашам нуно ӱмаште 12 октябрьыште тӱҥалыныт да тений 3 апрельыште мучашленыт. Вате-марий Алексей ден Светлана «Видеомаркетинг службо» командым чумыреныт. Пӧръеҥ режиссёрын сомылжым шукта, ӱдырамаш  – продюсерын да сӱретчын. Тыгодым Сашенька ӱдырыштат полша. Мутлан, мультфильмым ямдылымаште тудо шке шонымашыжым ача-авалан ойлен, тидым але весым вашталташ темлен. Проектым илышыш шыҥдараш тӱҥалме годым Саша кок ияш лийын. Ешлан Москва кундемыште Марий Эл землячествын еҥже Е.Минилбаеват полшен.

Рыбаковмыт тиде проектым умбакыже шуят да марий йылмым тунемаш шонышо-влаклан вес пашам ямдылат.

Л.ШАБДАРОВА.

Опубликовать в Одноклассники

Добавить комментарий