УВЕР ЙОГЫН

Спорт: Кандаше гыч визытыште ончылтеныт

Олимпийский резерв школын тунемшыже-влак — Звенигово гыч биатлонист-шамыч — Татарстан республикын «Снежный снайпер» открытый юношеский первенствыштыже сай кӱкшытым ончыктеныт. Таҥасымаш кодшо кечылаште Казаньыште эртен. 

Тренер-влак Нестер Александровын, Юрий Уманецын да Олег Рыбаковын ямдылыме ӱдыр-рвезе-влак кандаш гонко гыч визытыштыже сеҥышыш лектыныт. Кок огневой рубеж дене спринтыште Оксана Белогубова ден Дмитрий Фёдоров чылаштым ончылтеныт. Елена Якимова ныл рубеж дене  индивидуальный гонкышто икымше лийын. Полина Смоленкова  спринтыште да индивидуальный гонкышто финишыш эн ончыч толын.

Л.Камалетдинова.

Опубликовать в Одноклассники

Добавить комментарий