Шукерте огыл «Марий Эл» газет редакций «Марий кумалтыш мут радам» у книгам савыктен луктын.
Тушко еш, ял кумалтыш, Серлагышлан, Кугече кечын, Агавайрем годым пелештыме мут-влакым чумырымо. Тудым республикысе Марий юмыйӱла ушемын У Торъял общиныжым вуйлатыше Василий Блинов ямдылен. Книгаш республикысе тӱҥ онаеҥ Александр Таныгинын Агавайрем, Тӱня, Илян юмо-влак нерген возымыжымат пуртымо. У савыктышым редакцийыште налаш лиеш.
С.Носова.
