ТАЧЕ ЯЛЫШТЕ

Ялыште илыше-влак шийвундым налын кертыт

Марий Эл Республикын ял ден селаштыже илыше-влак шкеныштым «На село» федеральный проект конкурсышто терген да илемыштым тӱзаташ шийвундым налын кертыт. 

Конкурсым  Москвасе «На село» ООО увертарен. Конкурсын тӱҥ шонымашыже ял шотан илем ден муниципальный образованийлаште илыше-влаклан ешартыш шийвундым ыштен налаш полшаш виктаралтын. Марий Элын кеч-могай ял ден селаштыже илыше-влак район мучко экскурсийым организоватлен, уна-влакым ты але вес ялын моторлыкшо дене палдарен, верысе йӧным кучылтын кандарен кертыт. Турист-влак дене мутланен келшыме почеш, тыге оксамат ыштен налаш йӧн лектеш.

Ты конкурс кышкарыштак «Район мучко проводник» социально виктаралтше услуго пуалтеш. Тудат конкурс семынак эрта. Тушко шке кундемым сайын палыше, йот кундем гыч толшо турист-влаклан илаш, канаш йӧным ыштен кертше чолга еҥ-влак ушнен кертыт. «Районын проводникше» лияш шонышо-влак шке нерген резюмем, район нерген уверым, сылне вер-влакым войзыман фотографийым организаторын электрон почтышкыжо  колтышаш улыт. Конкурс нерген ешартыш уверым «На село» ООО-н официальный сайтыштыже (www.naselo.ru) пален налаш лиеш. Электрон почтыжын адресше тыгай: naselo@mail.ru.

С.Носова.
Снимкыште: Марий Элыш НТВ телеканалын 
журналистше-влакын толын коштымышт годым.
М.Скобелевын фотожо.

Опубликовать в Одноклассники

Добавить комментарий