УВЕР ЙОГЫН

Игнатьев лудмаш латкандашымше гана лиеш

10 апрельыште Козьмодемьянскыште латкандашымше гана Игнатьев лудмаш эртаралтеш. Тений тудо курыкмарий-влакын историйыштышт, культурыштышт да образованийыштышт просветитель-влакын рольыштым  ончыктымылан пӧлеклалтеш. Поснак кугу верым педагог да просветитель Гавриил Яковлевич Яковлевын (1843 – 1912) шочмыжлан 175 ий теммым палемдымылан ойыраш шонат.

Шанче-практик конференцийым эртарымашке Марий Элын Тӱвыра, печать да калык-влакын пашашт шотышто, Науко да образований министерстве-влак, В.М.Васильев лӱмеш научно-шымлыше марий институт, Марий кугыжаныш университет, республикысе Калык усталык рӱдер ушненыт.

Тыгак тушко  лингвист, литературовед, фольклорист, историк, археолог, этнограф, искусствовед, культуролог, тоштер, архив пашаеҥ-влак да молат ушнен кертыт. Тидлан пленарный погынымаште ойлаш 15 минуташ, а секцийлаште ойлаш 7 минуташ доклад-влакым ямдылыман.  Йодмашым 20 март марте Курыкмарий район администрацийыш (Смелов Евгений Валерьяновичлан adm-gorn2006@yandex.ru электрон почтышкыжо, «Игнатьев лудмаш» манын ончыктыман) але МарНИИЯЛИ-ш (Надежда Александровна Федосеевалан FEDNA74@yandex.ru электрон адресыш) колтыман. Чыла лекше йодышым  8 (8362) 45-25-92 телефон номер дене рашемдаш лиеш.

С.Носова

Опубликовать в Одноклассники

Добавить комментарий