УВЕР ЙОГЫН

Верла гыч увер: Акцийыш ушненыт

Кужэҥер районысо Наркотик ваштареш комиссийын ответственный секретарьже М.Григорьевын увертарымыж почеш, кундемыште 13 гыч 24 март йотке «Колымашым ужалыме верым увертаре!» акций эрта. 

Россий мучко эртыше тиде акцийым Наркотикын оборотшым эскерыше федеральный службо увертарен. Тушко Марий Эл Республикыште Внутренний политике, верысе самоуправленийым вияҥдымаш да юстиций  министерстве дене пырля Кужэҥер районысо кучем, здравоохранений, образований, тӱвыра, СМИ орган-влак да прокуратур ушненыт.

Акций наркотикым закондымын, тыгак медицинын темлымыж деч посна кучылтмо ваштареш виктаралтын. Районышто кызыт (883637) 9-15-80, 9016-20  «шокшо линий» телефонан информаций сынан печатлыме продукцийым шаркалат, наркотик ваштареш виктаралтше тӱрлӧ мероприятийым эртарат.

Акций деч вара лӱдыкшӧ адрес реестрым ышташ палемдыме.

М.ИВАНОВА.

Опубликовать в Одноклассники

Добавить комментарий