Кодшо арнян Марий Элыште ОРВИ да грипп дене черланыме 4345 случайым регистрироватлыме. Тиде показатель тылеч ончычсо арня деч 20,2 процентлан волен.
Грипп дене вич кугыеҥ да 13 йоча черланеныт. Лабораторий шымлымаш рашемден: В гриппын вирусшо 17 еҥым авалтен, ик черлым Гонконг грипп А(Н3N2) орландара.
Чер умбакыже ынже шарле манын, шым ола ден районысо 11 школышто 20 классым петырыме. Советский да Курыкмарий районлаште кок школым карантиныш колтымо.
Регионышто органичитлыме мероприятий-влак умбакыже шуйнат. Ситуацийым республикын эпидемиологшо-влак эскерат.
М.ИВАНОВА.
