13-16 мартыште Сочиште волонтёр-влакын «Поколения бессмертного полка» мер проектын икымше зональный туныктымо семинарышт лийын. Социально-кӱлешан проектым илышыш шыҥдарыме шот дене семинарым «Держава» регион-влак кокласе мер патриотический движений эртарен.
Мероприятийыш элнан 20 субъектше гыч «Бессмертный Полк России» общероссийский движенийын рӱдє штабшын членже-шамыч, Краснодарский крайысе Законодательный Собранийын депутатше Б.Левитский, волонтёр, ветеран, военно-патриотический организацийлан, кычалше ушемын чолга еҥже-влак погыненыт.
Тиде программе почеш участник-влак патриотический мероприятийлам организоватлыме, социальный проектым ямдылыме шотышто шинчымашыштым келгемденыт. Тыгак героико-патриотический шӱлышан мероприятийлам эртараш тунемыныт. Эшежым Российын тӱрлє регионыштыжо поро кумылым ончыктышо проектым илышыш шыҥдарыме шотышто у шонымашым темленыт.
Проектын тӱҥ задачыже: волонтёр ден поро кумылым ончыктышо шукырак еҥ-влакым патриотический шӱлышан пашашке ушаш.
Е.Эшкинина.
