Марий Элысе Провой кундем гыч Н.Белкина IBU кубокын шымше этапыштыже вийжым терген, сай результатым ончыктен.
11 мартыште Надежда Уватыште (Тюмень область) биатлон дене таҥасымаште (спринт) 10-шо верым налын. Тыге тудо Украинын командыштыже Ю.Журавок (кумшо лийын) деч вара кокымшо верым ончыктен. Палемдыме корным ӱдыр-влак коктынат йоҥылыш, штраф деч посна эртеныт. Икымше верыш Россий гыч Е.Павлова лектын. А землячкына Н.Белкиналан тиде результат идалык жаплан эн сай результат семын лийын. Шкет куржталмаште IBU кубок верч таҥасымаште общий зачётышто 186 очко дене Надежда 29 верыш куснен. Икымше – немыч Каролин Хорхлер (544 очко).
14 мартыште Ханты-Мансийскыште IBU кубок верч таҥасымашын кандашымше этапше почылтын.
Е.Эшкинина.
