Марий Элыште грипп да ОРВИ дене черланыше-влак палынак ешаралтыныт.
Кодшо арнян 5442 случайым регистрироватлыме, ты чот гыч прививкым ыштыдыме вич еҥ –кум кугыеҥ ден 14 ияш марте кок йоча – В грипп дене черланеныт. Тиде чот эпидемий лондемым 46,6 процентлан вончен. Ты гана кугыеҥ-шамычат шагалын огыл черланеныт. Марий Эл кумдыкышто ограничитлыме мероприятий-влак умбакыже шуйнат.
Роспотребнадзор темла:
- личный профилактике мер-влакым шукташ, ты шотыштак маске дене пайдаланаш;
- калык шуко улман верлаш лийме семын шуэнрак кошташ;
- респираторный пӱсӧ инфекциян еҥ-влак дене пеҥгыде кылым кучымым чарнаш;
- специфический огыл профилактике средства дене пайдаланаш;
- черланымым шижмеке, жапым шуйкалыде, врачын приёмышкыжо каяш.
М.ИВАНОВА.
