УВЕР ЙОГЫН

Верла гыч увер: Шинчымаш лиеш – тазалык пеҥгыдемеш

Килемар районысо Визымьйӓр посёлкышто инвалид-влаклан «Шканет шке полшо» тазалык школ почылтын. 

Тыгай сынан школым верысе чолга еҥ-влак шукертак почаш шоненыт. Ты шотышто поснак врач-педиатр Антонина Шепшина тыршен. Тудак Визымьйӓр спорт да тӱвыра рӱдерыште почылтшо у школым вуйлаташ келшен.

– Тазалык нерген шуко палыше да тиде шинчымаш дене кӱлын пайдаланыше еҥын илышыже кужурак да пиаланрак лиеш, – манеш Антонина Михайловна.

Тидымат палемдыде огеш лий: икымше занятий театр представлений семын эртен, сандене верысе инвалид-влак пайдале да оҥай урокыш адакат толаш кумылым ончыктеныт.

М.ИВАНОВА.

Опубликовать в Одноклассники

Добавить комментарий