УВЕР ЙОГЫН

Шекланыза: грипп!

Кодшо арнян Марий Элыште ОРВИ дене 4962 еҥ черланен. Пӱсӧ респираторный вирусан инфекций да грипп дене черланыме чот эпидемий лондемым 20 процентлан вончен. Йоча-влак коклаште 3-6 ияш икшыве-шамыч поснак шукын черланеныт. Роспотребнадзорын данныйже почеш, Йошкар-Олаште илыше ик еҥ А Гонконг (Н3N2) да Морко районышто илыше ик еҥ В грипп дене черланеныт. Коктынат грипп дечын прививкым ыштыктен огытыл. 

Йошкар-Олаште кодшо арнян ОРВИ дене 3184 еҥ черланен. Тиде чот эпидемий лондемым 35 процентлан вончен.

Лабораторийыште эртарыме мониторингым иктешлыме почеш, республикыштына гриппозный огыл этиологиян вирус коштеш. Регионыштына ОРВИ да грипп шотышто эпидемийым чарен шогалтыме цель дене Марий Элыште тӱҥ кугыжаныш санитарный врач С.Булатова ограничитлыме мероприятий-влакым пуртымо нерген пунчалым луктын.   

М.ИВАНОВА.

Опубликовать в Одноклассники

Добавить комментарий