Психолого-педагогический да социальный полышым пуымо республикысе «Доверие» рӱдерын специалистше-влак Морко районысо педагог-влак дене вашлийыныт да суицид профилактике йодыш дене семинарым эртареныт.
Семинарыште шинчымашым пуымо 20 тӧнеж гыч педагог-психолог, социальный педагог, класс вуйлатыше-влак лийыныт. Нуно ийготыш шудымо ӱдыр-рвезе да самырык-влакым шкем пытарыме деч утарен кодымо йодышым лончыленыт. Тыгак тунемше-влакын психический тазалыкыштым аралыме да пеҥгыдемдыме, стресс ваштареш шоген кертме койышым вияҥдыме нерген мутланеныт.
Кок ужашан семинар участник-влаклан йоча-шамыч коклаште шкем пытарыме койышым сорлыклымо пашалан пеш поян методический базым пуэн.
М.ИВАНОВА.
