12 февральыште Кугу Лаждӱр тӱвыра пӧртыштӧ Коҥга пазар пайрем эртен. Тудо районысо чыла гаяк фольклор коллективым ушен.
Пайремыш тыгак Марий Эл Республик искусствын сулло деятельже, Олык Ипай лӱмеш Марий комсомол премийын лауреатше, СССР Писатель ушемын еҥже, поэт, кусарыше А.Иванова, Марий Элын калык артистше З.Берникова, поэт Р.Николаева (Мардан Рая), тӱрызӧ И.Степанова, Марий тӱвыра рӱдерын специалистше-влак Л.Кошкина ден В.Чиванов, «Кугарня» газетын пашаеҥже А.Эманова миеныт. Уна-шамычын мутышт почеш, пайрем кугу кӱкшытыштӧ эртен.
Кужэҥер районышто калык йӱлам арален кодымо шотышто кугу пашам шуктат. Тений районысо тӱвыра рӱдер пашаеҥ-влакын тыршымышт дене пайрем лӱмеш коҥгам ушештарыше куснылшо кубокым ыштыме. Районышто Коҥга пайрем кудымшо гана эртен, вес ийлан эстафетым Марий Шой клуб налын.
М.ИВАНОВА.
