УВЕР ЙОГЫН

У технологий школ

Марий Эл вуйлатыше Александр Евстифеев Медведево районысо Руэм поселкышто верланыше Шуко профилян лицей-интернатыш миен. Тушто «У технологий школ» инновационный метапредметный лабораторийым почмашке ушнен да тунемме учреждений, тушто талантан йоча-влак дене могай паша эртаралтме дене палыме лийын. 

Тиде лабораторийлан оборудованийым Россельхозбанкын поро кумылым ончыктымо шот дене ойырымо оксаж дене налыныт. Александр Евстифеевын тыршымыж дене тиде кредит организаций ялысе 30 школлан Шуко профилян лицей-интернат дене вашкылым ыштен пашам шукташ 25млн. теҥгем ойырен.

— Лицейлан ойырымо окса дене ме компьютерым, интерактивный оҥам, проекторым, шуко функциян устройствым, 3D-принтерым налынна. Чыла тидак ӱмаште декабрьыште робототехнике кружокым почаш йӧным ыштен, — палдарен директор  Марина Даниярова.

Лицейыште лиймыж годым Марий Эл вуйлатыше компьютер классым ончен савырнен. Туштак робототехнике кружок эртаралтеш. Александр Евстифеев йоча-влаклан тиде классыште занятийым эртараш жапым шукырак ойыраш темлен.

Тыгак тудо лицейын спорт базыштыже, химий да физике лабораторийлаште лийын. Регион вуйлатышылан кызытсе жаплан келшыше цифровой оборудованийымат ончыктеныт. Тудыжо тунемме предмет-влак дене шымлымашым эртараш полша.

Руэмысе шуко профилян лицей-интернатыште тунемше-влак ЕГЭ-ште  кажне ийын сай шинчымашым ончыктат. Кокла баллышт республикысе веле огыл, Российысымат эрта.

Талантан да уста ӱдыр-рвезе-влакым пален налаш да нуным вияҥдаш 2009 ийыште лицей пелен тыгай икшыве-влак дене пашам ыштыме рӱдер почылтын. Тушто туныктышо-влак Александр Евстифеевлан ешартыш программе да нунын авторышт-влак, тыгак эртарыме мероприятий ден у проектышт нерген каласкаленыт. Рӱдерыш йоча-влакым ойырен налшашлан Марий Эл вуйлатыше республикысе районлашке лекташ да тунемше-влак дене вашлиймашым эртараш темлен. Тыгодым палемден:

— Вуз-влакын вуйлатышыштлан тиде лицейын выпускникше-влакым шкешт деке тунемаш конкурс деч посна налме йодышым каҥашаш темлем. Талантан икшыве-влак эн ончычак мемнан республикысе вуз-влакын студентышт лийшаш улыт.

Пытартышлан Марий Эл вуйлатыше район-влакын образований отдел вуйлатышыштлан кызытсе жаплан келшыше тунемме средства-влакым налаш сертификатым кучыктен.

Л.Камалетдинова.

Опубликовать в Одноклассники

Добавить комментарий