Кодшо шуматкечын Республикысе онкологий диспансерыште Рак ваштареш кучедалме тӱнямбал кечылан пӧлеклалтше Почмо омса кече эртен. Специалист-шамыч 317 еҥым тергеныт.
110 пациент онколог деке толын, 105 – гинеколог деке, 155 – маммолог деке, 28 – проктолог деке, 100 – дерматолог деке. Маммографийым 57 ӱдырамаш эртен, оҥ клетке орган рентгеным – 3, ультрайӱкан шымлымашым – 37.
Тиде кечын эше 17 еҥлан «рак» диагнозым шындыме, 28 пациентым келгынрак шымлаш колтымо.
М.ИВАНОВА.