Россий Федерацийын Кугыжаныш Думыжын депутатше Сергей Казанков регионышто эртарыме арняжым иктешлен.
29 январь гыч 4 февраль марте жапыште тудо ятыр мероприятийыште лийын да еҥ-влаклан приемым эртарен.
Шӧрым налме акым волтымо ял ден селалаште илыше-влакын ик эн тургыжландарыше йодшышкышт савырнен. Тудым Марий Элын Ялозанлык да продовольствий министерствыштыже эксперт-влак да Морко поселкышто изи да кокла бизнесым вияҥдыме шотышто совещанийын участникше-шамыч дене каҥашеныт. Тушто Сергей Казанковат лийын.
Депутат тыгак республикын чоҥымо паша, архитектур да илыме вер ден коммунал озанлык министрже Михаил Леонтьев дене икмыняр йодышым каҥашен. Волжскышто лиймыж годым «Волжская правда» газет редакцийыш пурен лектын.
Вес региональный арня февраль мучаште – март тӱҥалтыште лийшаш.
Л.Камалетдинова.
