УВЕР ЙОГЫН

Икымше документ – шочмо нерген свидетельстве

Лачшымак тыге палемден Кужэҥер районысо загс пӧлкам вуйлатыше Н.Дудина посёлкысо тӱҥ школын 9-ше «а» классыштыже шинчымашым погышо ӱдыр-рвезе-влаклан экскурсийым эртарымыж годым. 

Туныктышо Юрий Александрович Морозовын «Еш права» теме дене ямдылыме урокшо ты гана загс пӧлкаш наҥгаен. Надежда Михайловна тиде органым ыштыме 100 ияш историй, еш йӱла, архив паша дене палдарен, чыла тидым регистраций книгам ончыктен пеҥгыдемден. Тунемше-влак тыгак мужыраҥме, фамилийым, лӱмым але ачалӱмым вашталтыме, ача улмым пеҥгыдемдыме, икшывым ончаш налме йӧн-влак нерген пален налыныт. Шочмым да колымым регистрироватлыме видымат тӱткыш деч посна коден огытыл.

Экскурсий сынан тиде урок йоча-влакым еш праван эше ик йыжыҥже дене палдарен.

М.ИВАНОВА.

Опубликовать в Одноклассники

Добавить комментарий