ЭКОНОМИКЕ

Марий Элыште — нылыт

Марий Элыште кызыт чоҥалтше ик эн кугу обьектлан «Транснефть — Верхняя Волга» АО-н магистраль пучшын ужашыже-влакым олмыктымо паша шотлалтеш. 

Тидын нерген Ростехнадзорын Юл кундем управленийжын Госстройнадзоржо увертарен. Шукерте огыл тудо кодшо ийысе паша лектышым иктешлен. Ӱмаште вел огыл, Татарстанысе да Чувашийысе чоҥымо объектлаште аварий лийын огыл. А чоҥымо, олмыктымо объект-влакын юридический лицаштым тергыме почеш ятыр ситыдымашым тӱжваке луктыныт. Кодшо ийын тыгай тергымашым ончылийсе деч 1,5 пачаш шукырак эртареныт, 362 тергымаш годым 5938 ситыдымашым пален налыныт. Тӱҥ шотышто  проектын йодмыжым шуктен, чоҥымо пашам терген, технический надзор, пашам шуктымо проект, нӧлтымӧ сооружений дене пашам ыштыме карт лийын огытыл, административный штрафым жапыштыже тӱлен огытыл да молат.

Ушештарен кодыман, Ростехнадзорын Юл кундем управленийже кугыжаныш чоҥымо пашам кум республикыште — Марий Элыште, Татарстаныште да Чувашийыште — терга. Тачысе кечылан тудын кид йымалныже 361 эскерыме обьект шотлалтеш: Татарстаныште — 349, Чувашийыште — кандаше да Марий Элыште — нылыт. 

С.Носова.

Опубликовать в Одноклассники

Добавить комментарий