УВЕР ЙОГЫН

Ныл районышто – у вуйлатыше

23 январьыште Марий Эл Республикын элкоргӧ паша министрын алмаштышыже-влак ныл районышто у отдел вуйлатыше-влак дене палымым ыштеныт. 

Россий МВД-н «Советский» отделжым ты кече гыч Александр Камаев вуйлаташ тӱҥалын. Министрын алмаштышыже полицийын полковникше Евгений Никифоров личный составым тудын дене палымым ыштен.

Внутренний паша органлаште Александр Камаев 2000 ийыште Оршанке районышто службым эртыме гыч тӱҥалын. Тылеч вара Медведево районышто кыдалаш да кугурак вуйлатыше составыште пашам ыштен. Але марте 5 ий 7-ше номеран полиций отделенийын начальникше лийын.

А тиде районын полиций отделенийжым полицийын майоржо Александр Видякин вуйлаташ тӱҥалын. 23 январьыште Евгений Никифоров личный составым тудын денат палымым ыштен. Пытартыш ныл ий жапыште А.Видякин 7-ше номеран полиций отделений начальникын алмаштышыже лийын.

«Козьмодемьянский» 6-шо номеран полиций отделым ты кече гычак полицийын майоржо Александр Горинов вуйлаташ тӱҥалын. Личный составым тудын дене министрын алмаштышыже внутренний службын полковникше Михаил Камаев палымым ыштен. А.Горинов 2007 ий гыч Юрино муниципал районышто внутренний паша отделын милицийын участковый уполномоченныйыштын отделений начальникше лийын.

23 январь гычак Звенигово районысо полиций отделым внутренний службын полковникше Сергей Шулаев вуйлаташ тӱҥалын. Тудын дене личный составым министрын алмаштышыже полиций полковник Сергей Федорович палымым ыштен.

Але марте С.Шулаев Йошкар-Олаште участковыйлан ыштен, Морко районысо полиций отдел начальник лийын. Пытартыш жапыште МВД инспекцийын тӱҥ инспекторжылан тыршен.

Л.Камалетдинова.

Опубликовать в Одноклассники

Добавить комментарий