ПЕНСИЙ СОЦИАЛЬНЫЙ ИЛЫШ

Пенсий фонд: Кум тылзыште – латвич кундемыш

Россий Пенсий фондын Марий Элысе пӧлкажын куснылшо клиент службыжо регионысо тора ялла ден селалашке ынде шым ий утла лектын коштеш. Тудын технический йӧнжӧ граждан-влакым чыла направлений дене консультироватлаш келшен толеш, сандене калыклан пенсийлан да социальный выплатылан йодмашым пуаш, нуным угыч шотлыкташ райрӱдыш кошташ кӱлешыже уке. 

Клиент службын автомобильже январь гыч март йотке республикысе 10 районын 15 кундемыштыже лиеш:

24 январьыште – У Торъял районысо Масканур ялыште; 

15 февральыште – Марий Турек районысо Кугу Руял ялыште, Сысоево да Косолап селалаште;

20 февральыште – Кужэҥер районысо Ӱштымбал да Кугу Чарнур яллаште;

15 мартыште – Звенигово районысо Шолэҥер посёлкышто;

20 мартыште – Морко районысо Кугу Шале ялыште;

22 мартыште – Советский районысо Кукмарий ялыште;

23 мартыште – Медведево районысо Краснооктябрьский посёлкышто;

26 мартыште – Шернур районысо Лажъял да Тамшэҥер яллаште, Параньга районысо Кугу Пумарий селаште да Ляжмарий ялыште;

29 мартыште – Оршанке районысо Кугунур ялыште.

Куснылшо клиент службын 2018 ий 1 кварталыште республикысе кундемлашке лекме графикшым Пенсий фондын сайтышкыже («Регионышто илыше-влаклан информаций» разделышкыже) вераҥдыме.

М.ИВАНОВА.

Опубликовать в Одноклассники

Добавить комментарий