СОЦИАЛ ИЛЫШ

Поро кумыл акций: Неле илыш гыч – йомак тӱняш

У 2018 ий деч ончыч психолого-педагогический да социальный полышым пуышо «Доверие» республикысе рӱдер «У ийыш порылык дене!» поро кумыл акцийым эртарен. Тудын кышкарыштыже спонсор ден меценат-влакын полышышт 500 тӱжем теҥгеш шуын. 

2017 ий декабрь мучаште У ийлан пӧлеклалтше мероприятийлаште рӱдерын учётыштыжо шогышо 570 утла йоча лийын. 21 декабрьыште 67 инвалид йоча  Курчак театрыш, Марий Эл Республикым вуйлатышын ёлкышкыжо,  толын да «Цветик-семицветик» юзо кумыл историй дене палыме лийын. 22 декабрьыште Шкетан лӱмеш Марий театрын «У ий патруль» интермедийышкыже да «Королева гусей» представленийышкыже 10 йоча логалын. Ты кечынак 12 икшыве Т.Евсеев лӱмеш национальный тоштерыште «Весела Шорыкйол» экскурсийыште лийын, мастарын классыштыже суксым ыштен. 23 декабрьыште тӱнен илыше еш гыч 30 йоча Э.Сапаев лӱмеш опер да балет театрыште «Волшебный посох» йомакым ончен. 25 декабрьыште тӱнен илыше еш гычак 100 ӱдыр-рвезе Йоча да самырык-влакын усталык полатыштышт «Волшебник изумрудного города» у ий представленийыште йомакысе герой-влак дене вашлийын. 27 декабрьыште Йошкар-Ола администрацийын ёлкыштыжо Йӱштӧ Кугыза неле илыш пӧрдемыш логалше 20 йочан кумылжым шуктен. 28 декабрьыште тӱнен илыше еш гыч 100 икшыве Йоча ден самырык-влаклан театр-рӱдерыште «И снова Новый год!» интермедийыште участвоватлен. 30 декабрьыште тӱнен илыше еш гычак 30 икшыве Сеҥымашын XXX идалыкше лӱмеш тӱвыра полатыште «Морозко» йомакым, а 203 икшыве Ленин лӱмеш тӱвыра полатыште «Ёлка-Чудесница и волшебные конфеты» оҥай историйым онченыт, театрализоватлыме представленийыште участвоватленыт. Пӧлек деч посна ик йочат кодын огыл!

Марий Эл Республикын Социальный вияҥмаш министерствыж ден психолого-педагогический да социальный полышым пуышо «Доверие» республикысе рӱдер поро кумыл акцийыш ушнышо чыла спонсор ден меценатлан таушта, поснак:

Марий Эл Республик Кугыжаныш Погынын депутатше Андрей Владимирович Ерофеевлан;

Йошкар-Ола кундемын депутат-влак погынымашыштлан (Александр Васильевич Шевкопляслан, Сергей Николаевич Биланлан, Сергей Валерьевич Митьшевлан, Павел Валентинович Лапшинлан, Андрей Витальевич Машкинлан, Антон Валентинович Андреевлан, Сергей Иванович Саврасовлан, Владимир Евгеньевич Дождиковлан, Андрей Сергеевич Жуковлан, Вадим Николаевич Агафоновлан, Олег Иванович Барбашеновлан, Алексей Дмитриевич Хлоповлан, Василий Михайлович Бочкаревлан);

Гражданский инициативылан полшымо «Гражданин» фондлан (учредительже Мария Вячеславовна Жирова);

«Доверие» рӱдерысе попечительский советын еҥже-влаклан – Чоҥымо паша, архитектур да илыме вер ден коммунал озанлык министерстве пеленсе Общественный советын председатальже Виталий Викторович Багнюклан, амалкалче-влак Светлана Витальевна Шалагиналан, Алексей Иванович Ефремовлан, Светлана Васильевна Никитиналан, развлекательный рӱдер-влакым вуйлатыше Сергей Александрович Семёновлан;

«Йошкар-Ола» муниципальный образованийын Общественный советшын председательжым алмаштыше Екатерина Евгеньевна Гамовалан, «СТФ» ООО-н директоржо Валерий Анатольевич Поляковлан, Йоча да самырык-влакын усталык полатыштым вуйлатыше Наталья Аркадьевна Деревянколан, «СоЛЮД» ООО-н генеральный директоржо Наталья Александровна Абдусаламовалан, «Финансовый консультант» ООО-н директоржо Сергей Владимирович Васильковлан, амалкалче Ирина Николаевна Яровиковалан;

«Школьник» КП» муниципал предприятийын директоржо Любовь Леонидовна Высоцкаялан;

Марий Эл Республикын Самырык-влакын правительствыштлан (советын председательже Василиса Евгеньевна Баскакова).

«Марий Элын православный доброволецше-влак» ушемын волонтёржо-влаклан.

Калыкыште арам огыл ойлат: «Пырляште – вий». «У ийыш порылык дене!» поро кумыл акций тидым эше ик гана пеҥгыдемдыш, вет тудо 600 наре йочан чоныштыжо тулым чӱктыш. А тидыже ончыкыжым эшеат шуко ӱдыр-рвезын кумылжым шукташ ӱшаным лукто.

М.ИВАНОВА.

Опубликовать в Одноклассники

Добавить комментарий