Юл кундемы федерал округышто Россий Президентын полномочный представительже М.Бабич округысо школлаште ачалыме да чоҥымо пашан кузе кайымыжым ончен савырнен.
Эртыше арняште тудо Киров областьын губернаторжо И.Васильев дене пырля 26-шо №-ан школым, Йоча-влакым дистанционно туныктымо рӱдерым нӧлтымашке миен да РФ Президентын резервный фондшо гыч оксам кузе кучылтмым терген. Тудын мутшо почеш, пытартыш пел ийыште Киров областьлан социальный значениян объектым чоҥаш, олмыкташ 166 миллион теҥгем ойырымо.
А теве Россий Президентын резерв фондшо гыч ойырымо окса дене Марий Элысе 20 школын леведышыжым капитально ачаленыт. Тидлан 30 миллион теҥге окса каен. Йошкар-Оласе Йоча да самырык-влаклан технике творчестве рӱдерыште пӧлемлам, Шоя-Кузнецовышто психоневрологий интернатыште малыме корпусым капитально олмыктеныт.
Л.ШАБДАРОВА.
