КАЛАСЕ, "МАРИЙ ЭЛ"

Юрист умылтара: Йочам шкетшым кодыман огыл

Йочам шкетшым мӧҥгыштӧ кодаш лиеш мо, да могай ийгот гыч тидым ышташ лиеш? 

А.Соколова.
Йошкар-Ола.

Йодышлан Йошкар-Ола прокурорын алмаштышыже В.С.Птицын вашештен:

— РФ законодательствыште тидын дене кылдалтше ала-могай посна ужаш уке. Но тидын дене пырля РФ Уголовный Кодексын 125-ше статьяштыже ончыктымо: илышлан да тазалыклан лӱдыкшӧ лийын кертме годым изи, шоҥго, черлан кӧра нимом ыштен кертддыме еҥын полыш деч посна кодымылан мутым кучаш логалеш. Титакан еҥ тиде лицалан полшен кертын да тудын нерген шонышаш ыле, але тудо шкеже тыгай еҥын илышыжлан да тазалыкшылан лӱдыкшым ыштен гын, мутым кучышаш. Тыгай преступленийлан эн кугу наказаний семын ик ийлан эрык деч посна коден кертыт.

Светлана Носова

Опубликовать в Одноклассники

Добавить комментарий