КАЛАСЕ, "МАРИЙ ЭЛ"

Юрист умылтара: Тӱлыманак мо?

Йоча школышто тунемеш гын, шинчымашым пуышо учрежденийым оролымылан ача-ава-влак тӱлышаш улыт мо? 

И.Сергеев.
Йошкар-Ола.

Йодышлан Йошкар-Олн прокурорын алмаштышыже В.С.Птицын вашештен:

— «Россий Федерацийыште образований нерген» федеральный законын 2-шо пунктшын 28-ше статьяж дене келшышын, тунемше-влаклан тунемме да воспитатлыме, нуным эскерыме да ончымо, кучымо годым илышыштлан да тазалыкыштлан лӱдкшыдымылык условийым, палемдыме норматив дене келшышын, образовательный организаций ыштышаш.
РФ Правительствын 25.03.2015 ийысе пунчалжын 24-ше пунктшын положенийже почеш, еҥ-влакын тӱшкан лийме верлаште порядкым кучымо амал дене, тидын денак кылдалтын физический оролымаш лийшаш.
Сандене школышто тунемше йоча-влакым оролымо дене кылдалтше роскотымат школ петырышаш. Но кӱшнӧ ончыктымо оролымо пашашке ача-ава-влакат ушнен кертыт, образовательный учрежденийыште ешартыш оролымо пашам шыҥдарат. Но тидлан оксам нуно шке кумылын гына пуышаш улыт.

Опубликовать в Одноклассники

Добавить комментарий