УВЕР ЙОГЫН

Мунчалте, таҥасе, ончыко лек!

Ече тургым тӱҥалын. Теве ик районышто, теве весыште ечызе-влак стартыш лектыт, вий-куатым тергат, талыракшым ойырат. 

Республик кӱкшытанат шке радамже дене эртаралтеш. Мутлан, арня ончыч Йошкар-Оласе «Корта» ече базыште теле тургымым почыныт. Тушто шке тўшкаштышт А.Громова, В.Пушкарева, Н.Морозова, К.Громова, Д.Чекулаев, Г.Полушин, Д.Очетов, Н.Васильев икымше верыш лектыныт.

А 24 декабрьыште Морко районысо Арын кундемыште ече дене Марий Элын чемпионатше ден первенствыже эртеныт. Тыште регионна гыч эн тале ечызе-влак вийым тергеныт.

– Лум изиш пушкыдырак ыле, йўдымат лум лумын, сандене спортсмен-влаклан тидыже, мыйын шонымаште, изиш чаракым ыштен, но финишыш чылан толын шуыныт. Чыланат ямдылалтме результатым ончыкташ тыршеныт, – ойла ече дене тренер Е.Рыбаков.

Шке тӱшкаштышт эн сай результатым 10 километр кужытышто классик йєн дене пєръеҥ-влак коклаште (1997-1960 ийлаште шочшо) С.Егоров (УОР-МРМТ-ЦСПСШОР), С.Максимов (МРМТ-Шернур), С.Майоров (Медведево), ўдырамаш-влак коклаште вич километрыште А.Романова (СШОР-Медведево-МарГУ), М.Макарова (МарГУ), А.Козлова (ПГТУ) сай результатым ончыктеныт. Юниор-шамыч коклаште Н.Васильев (УОР-МРМТ ЦСПСШОР), А.Кугергин (Морко, Олимп), А.Михайлов (МРМТ-СШОР), ўдыр-влак коклаште Е.Семёнов (УОР-Волжск-СШОР), О.Короткова (Медведево-МарГУ), К.Громова (МРМТ-СШОР) ойыртемалтыныт.

Изирак ийготан-влак коклаште шке тўшкаштышт Н.Морозова (5 км, Строительный техникум-Волжск-СШОР), К.Рыбаков (Медведево-Кужэҥер), П.Стрелец (Волжск-СШОР) А.Громова (СШОР-Кужеҥэр), Д.Лебедев (СШОР) икымше верым налыныт.

Черетан вес таҥасымаш 9 январьыште Волжскышто эрта.

Е.ЭШКИНИНА

Опубликовать в Одноклассники

Добавить комментарий