Марий Эл Республикын Тӱвыра, печать да калык-влакын пашашт шотышто министерстве пелен чумырымо Терроризм профилактике сферыште увер политикым ыштыме шотышто эксперт советын черетан заседанийже 21 декабрьыште эртыш.
Эн ончычак «Марий Эл» ден Советский районысо «Вестник района» газет-влакын тӱҥ редакторышт А.Абдулов ден В.Кабирова наций ден конфессий-влак кокласе кылым пеҥгыдемдышашлан пӧлеклалтше мероприятий-влакым савыктышлаште кузе да могай материал-влак гоч ончыктымо нерген каласкалышт.
Тылеч вара Марий Элысе тунемме учрежденийлаште студент ден самырык-влак коклаште терроризм ден экстремист койыш палдырнымым шижтарыме молодежный политикым илышыш кузе пуртымо дене Марий Элын Образований да науко министерствыжын молодежный политике шотышто управлений начальникше С.Игошин палдарыш.
Пытартышлан погынышо-влак эксперт советын шушаш 2018 ийыште ыштышаш паша радамым каҥашышт.
Л.Камалетдинова.
