Кодшо арнян республикыште илыше 2762 еҥ ОРВИ дене черланен, нунын коклаште –14 ияш марте1800 утла йоча. 115 еҥым, тӱҥ шотышто икшыве-шамычым, эмлымверыш пыштыме.
Роспотребнадзорын увертарымыж почеш, ОРВИ умбакыжат ынже шарле манын, Медведево, Юрино, Килемар, Звенигово районлаште, Волжск олаште куд йочасадысе куд группышто туныктымо да воспитатлыме пашам чарен шогалтыме. Шуко йоча черланымылан кӧра Йошкар-Оласе, Медведево да Звенигово районласе ныл школышто ныл классым карантиныш петырыме.
Грипп дене черланыме случайым регистрироватлыме огыл.
М.ИВАНОВА.
