УВЕР ЙОГЫН

Шке парыш ешаралтмат полша

Марий Эл Республик вуйлатыше Александр Евстифеев ТАСС увер агентствылан интервьюм пуэн. Тушто республикын бюджетышкыже вес ийлан пуртымо регионын социальный обязательствыж-влак, нунылан окса кушеч ойыралтме нерген каласкален, палдара Марий Эл вуйлатышын мер кыл да увер управленийже. 

Александр Евстифеев палемден: 2018 ийлан дефицитдыме бюджетым приниматлыме, тудо социальный направленностян. Социальный сферылан оксам шукырак ойыраш йӧн капитально олмыктымашлан роскотым шагалемдыме дене ышталтын. Тыгак шке доход кушмат полшен.

Тенийсе дене таҥастарымаште шушаш ийыште республикын экономикыжланат окса142,8 процентлан шукырак ойыралтеш.

Но финансирований кугеммаш кажне отрасльыштак огеш палдырне. Мутлан, кугыжаныш собственность объектым кучымылан роскот 2018 ийыште 30 процентлан иземеш.

— Тиде ошкылым ме шонен ыштенна. Тыге аныклыме ончыкыжым оксам социальный сферыште ик эн ончыч ыштышаш пашалан кучылташ йӧным пуа, — палемден регион вуйлатыше.

«Социальный роскот кушмо дене доход пурен шукта мо?» йодышлан А.Евстифеев тыге вашештен:

— 2017 ий дене таҥастарымаште 2018 ийыште республиканский бюджетын налог да налог огыл доходышт 106,9 процент лийын да ятыр социальный йодышым рашемдышашлан бюджетыш оксам пыштен кертынна. Туге гынат эше шагал огыл задачым шуктыман. Нуным ме окса лийме семын ышташ тӱҥалына. Чыла нелылыкым вигак, иканаште, рашемдаш огеш лий.

Социальный обязательстве ден майысе указ-влак могай окса кӱшеш шукталтме нерген Александр Евстифеев тыге каласен:

— Тиде бюджетын тӱшка доходшо, тышкак налог да налог огыл доход пурат, да федеральный бюджет гыч ойырымо окса кӱшеш шукталтеш. Кызыт тидлан заем окса огеш колталт.

Л.Камалетдинова.

Опубликовать в Одноклассники

Добавить комментарий