Марий кугыжаныш университетыште «Умылен-пален налдыме ӱшанымаш тӱня» книган презентацийже эртен.
Такшым тудо — «Непознанный мир веры» православный сборникын марлаш кусарыме вариантше. Марий йылме да сылнымут кафедрыште ыштыше-влак тений Руш православный черкын эртарыме «Православный инициативе» тӱнямбал конкурсышкыжо ушненыт. Сандене тиде пашам православий шӱлышан книгам кусарыме икымше опытышт семын аклыман. Проект вуйлатыше Лидия Матросован палемдымыже почеш, паша куштылгыжак лийын огыл.
С.Носова.
