Марий Элыште «Лӱдыкшыдымылык ий» профилактик акций эрта.
Гидрометеослужбын кугыжаныш инспекторжо-влак вӱд кумдыклам патрулироватлат, еҥ-влакын ий ӱмбаке тӱшкан лектын коштмо верыштым тергат, профилактик мутланымашым эртарат. Тидын дене пырля вӱд йымаке волен каен кертмым шижтарыше пале-влакым вераҥдат.
Россий МЧС-ын республикысе управленийжын специалистше-влаклан пырля пашам ыштыше структур-шамычат полшат. Тидын шотыштак еҥ-влакын ий ӱмбаке тӱшкан лектын коштмо верлаште утарыше постлам келыштарыме. Ий налме вуд ӱмбаке лекташ чарыме кумдык пелен шогалтыме машина-влакым лӱмын ойырымо инженер технике полшымо дене кораҥдат.
Кугыжаныш инспектор-влак тыгак школлаште профилактик мутланымашым эртарат. Молан вичкыж ий ӱмбаке лекташ чаралтым умылтарат, да туткар лийме годым икымше полышым кузе пуаш кӱлмым туныктат.
С.Носова.
