УВЕР ЙОГЫН

Марий Элыште у часамла почылтын

Звенигово районысо илемлаште кундемым тӱзатыме паша чолган шукталтеш.


Верысе калыкын тӱҥалтышыжлан полышым пуымо программе дене келшышын, 2017 ийыште Шуйко поселко уремысе корным олмыктеныт.

А 3 декабрьыште тиде илемыште эше ик кугу событий лийын – ты кечын Кокшайскысе Юмым шочыктышо Пресвятой аван черкыжын настоятельже, Алексей ача Пресвятой Тройчын лӱмеш у часамлалан юмын шӱлышым пуртен.

Шуйко поселкысо тиде часамлам верысе калык деч оксам поген да спонсор-влакын полышышт кӱшеш чоҥеныт.

Л.Камалетдинова.

Опубликовать в Одноклассники

Добавить комментарий