СПОРТ

Тыге кутырен келшеныт

Теле Олимпийский да Паралимпийский модмаште (2018 ий Пхенчхан) Российысе чыла спортсмен вийжым терген ок керт. 

МОК-ын официальный сайтше увертара: Тўнямбал олимпийский комитет исполкомын (МОК) пунчалже почеш (тудыжым Швейцарийын ончычсо президентше С.Шмид вуйлатен), Российысе олимпийский комитетым дисквалифицироватленыт.

Латшым тылзе кыртмен пашам ыштыме жапыште Шмидын комиссийже доказательстве ден уверым поген. Вет МОК-ын 2016 ий  олимпиаде (Рио) марте тыгай йєнжє лийын огыл.

Тўнямбал антидопинг агентствын независимый комиссийже (WAD) Р.Макларенын вуйлатымыж почеш терген налме деч вара Российысе спортышто допинг шотышто МОК кок комиссийым ыштен. Иктыже 2014 ийыште Сочиште эртыше Олимпиадыште та‰асыше Российысе спортсмен-влакын допинг-пробыштым уэш терген. Тудын пашаж деч вара элна 11 награде деч посна кодын да медаль налме дене икымше верым йомдарен. Вес комиссийже Российысе антидопинг системыш пуйто кугыжанышын шўшкылтмыжым терген. Российысе кучем тыгай титаклымашым ик гана веле огыл чын огыл манан палемден.

Шмидын докладше деч вара МОК тыгай пунчалым  луктын:

– РФ олимпийский комитетын пашажым жаплан чараш;

– кок комитетын тергыме пашалан кучылтмо окса роскотым шотыш налаш;

– Олимпиадыш Российысе посна спортсмен-влакым ўжаш. Тыгодым нуно шке лўмнерыштым возыман формо дене  выступатлаш тў‰алыт, флагшат олимпийский лийшаш, церемоний годымат олимпийский гимн йо‰гышаш;

– олимпийский модмашке РФ спорт министерствысе чиновник-влак кокла гыч иктат огыт пурталт; 

– РФ вице-премьер Мутком Олимпийский модмашке йєршеш пурташ огыл…

Олимпийский модмаш 2018 ий 9-25 февральыште Пхенчханыште лиеш.

Е.Эшкинина.

Опубликовать в Одноклассники

Добавить комментарий