УВЕР ЙОГЫН

Москва гыч – кок награде дене

Марий Элын командыже «Абилимпикс» чемпионат гыч кок награде дене пӧртылын. 

2-3 декабрьыште Москваште инвалидностян еҥ-влак коклаште профессиональный мастарлыкым ончыктымо «Абилимпикс» III Национальный чемпионат эртен. Тудын кышкарыштыже элнан тӱрлӧ регионжо гыч чыла категорий инвалид-влак 84 номинацийыште вийыштым тергеныт. Марий Эл гыч кок участник призан верым сеҥен налын: «Крючок дене пидмаш» номинацийыште 1 верым – Марий республикысе инвалид-влак организацийын еҥже ЕленаАппакова да «Пум пӱчкедымаш» номинацийыште 3 верым – Марий политехнический техникумышто тунемше Александр Осокин.

Делегацийым Марий Элын социальный вияҥмаш министржым алмаштыше Дмитрий Солдатов ден «Соҥгыра-влакын всероссийский обществышт» Марий регионысо пӧлкан председательже Альбина Грозова коштыктеныт.

Ушештарыме семын: инвалидностян еҥ-влак коклаште профессиональный мастарлыкым ончыктымо «Абилимпикс» III Национальный чемпионатыште Российын 75 субъектше гыч регионысо чемпионатлаште сеҥыше 900 инвалид участвоватлен. Нунын профессиональный мастарлыкыштым 700 эксперт аклен.

М.ИВАНОВА.

Опубликовать в Одноклассники

Добавить комментарий