16 ноябрьыште Йошкар-Ола – Козьмодемьянск кугорнышто лийше шучко аварийыште ӱмыр лугыч лийше-влакын лӱмыштым рашемдыме деч вара Россий Пенсий фондын Марий Элысе пӧлкажын специалистше-шамыч пукшышым йомдарыме шотышто пенсийым палемдышашлан документым ончылгоч ямдылаш тӱҥалыныт. Икмыняр жап гыч тыгай сӱретым рашемденыт: пукшышым йомдарыме шотышто пенсийым кандаш йоча налаш праван, тиде чот гыч шым икшыве – ийготыш шудымо, коктын ача-ава деч посна кодыныт, икте – 19 ияш студент. Родо-тукым, опекун-шамычын йодмашым пуымышт деч вара икшыве-шамычлан тыгай сынан пенсийым кӱчык жапыште палемденыт. Тудым кок йӧн дене шотленыт: пукшышым йомдарыме шотышто страховой пенсий (тиде случайыште илыш гыч кайыше ачан але аван паша стажше ден пенсий взносшо шотыш налалтыт) да пеҥгыдемдыме кугытан социальный пенсий. Чыла йочалан кокымшо йӧн утларак келшен толын, сандене чылаштлан социальный пенсийым палемденыт.
Ача-ава деч посна кодшо тулык йоча-влакын пенсийышт – 10068,53 теҥге, молыштын – 7967 теҥге, тиде выплате пенсионерын илен лекташ лийме кугытшо дене иктӧр.
М.ИВАНОВА.
