Кужэҥер районысо Токтайбеляк школышто шинчымашым погышо ӱдыр-рвезе-влак каникулыш каеныт.
Республикыште шыже каникул шукертак пытен гын, Токтайбеляк школын тунемшыже-влак канаш тӱҥалыныт веле. Тидлан тӧнежын шӱтлышӧ туврашыже амалым ыштен.
Конешне, шыже мучаш-теле тӱҥалтыш оралтым олмыкташ келшыше жап огыл, но конкурс процедурым эртыме деч вара окса школын счётышкыжо пурен гын, шушаш кеҥежым вучаш чон ок чыте. Тӱҥжӧ – тувраш гыч ны йӱр, ны лум вӱд ынже його.
М.ИВАНОВА.
