Ийготыш шудымо эргым шотышто общественный верыште тамакым шупшмыжлан РФ Административный нарушений нерген кодексшын 6-24 ст. 1-ше ужашыж дене келшышын, протоколым возеныт да полицийын пӧлкаштыже профилактический учётыш шогалтеныт. Ты шотыштак рашемдынем: уполномоченный органын тудын титакшым рашемдыде, профилактике учётыш шогалтыме шотышто полиций пашаеҥ-влак чын ыштеныт мо?
Н.Миронова.
Медведево район.
Йодышлан Медведево районысо прокурорын полышкалышыже С.Г.Захарова вашештен:
— Полиций пашаеҥ-влак закон дене келшыдыме ошкылым ыштеныт. «Об основах системы профилактики безнадзорности и правонарушений несовершеннолетних» федеральный законын 5-ше ст. 1-ше ужашыже дене келышышын, ийготыш шудымо-влак шотышто безнадзорность да правонарушений профилактике системын учреждений ден органже-влак правонарушенийым ыштыше ийготыш шудымым административно мут кучаш шогалтат гын, тудын дене индивидуально пашам эртарышаш улыт. Сандене тудым профилактический учётыш налме нерген йодышат, тудын титакшым ийготыш шудымо-влак шотышто комиссийыште але судышто пеҥгыдемдымеке веле каҥашалт кертеш.