ЛӰМГЕЧЕ РУБРИКИ ЭРТЫШ ИЛЫШ ДА КРАЕВЕДЕНИЙ

100 ийлан — 100 ялыш: Шарныктыш лийшаш огыл мо?

2020 ийыште Марий автономийым ыштымылан 100 ий темме кугу лӱмгечым палемдаш тӱҥалына. Ты датылан пӧлеклалтше материал-влакым «Марий Эл» газет шукертсек савыктен толеш. А эртыше кечылаште Медведево район Кӱшнур ялыште лияш логале. Шке жапыштыже тыште Марий автономийым ыштымышке кугу надырым пыштыше лӱмлӧ еҥ — Сергей Алексеевич Черняков — илен.

Тений сентябрьыште шочмыжлан 130 ий темын. Чаманен каласыман, суртшо пырдыжыште тудым шарныктыше нимогай палым ышна уж. Шочмо суртыштыжо кызыт шольыжын шешкыже шкет ила. Пӧртшӧ родо-тукымжын тыршымыжлан кӧра сайын аралалтын. Але вара 130 ий жапыште тушко чолга, кугун тунемше, шотан ончылмарийым шарныктыше оҥам пижыкташ огеш лий ыле? Варажым пален нална: Шойбулак тӱвыра да каныме рӱдерыште тудын мемориал оҥаже уло. Медведево посёлкысо ик уремлан лӱмжым пуымо. Но садак тыге гына лийшаш огыл, очыни. Сай пример шотеш Звенигово районысо Чакмарий,

Советский районысо Кельмаксола кундемым кондымо шуэш: шке ончылъеҥыштлан нуно шуко шарныктышым почыныт, у тукым палыже да жаплыже манын тыршат. С.Черняков илыме жапыштыже уло марий калыклан шкенжым калык семын арален кодаш полшышо суапым ыштен, а ме тудым огына жапле. Кеч республикын лӱмгечыже вашеш тудын суртыштыжо мемориал оҥам пижыктен шукташ ыле…
Тукымжо Кӱшнурышто ила

Кӱшнур мотор, но тошто ял. Жаплан келшые оралте дене пырля эртыме корныжым ушештарыше суртат ятыр. Оласе-влак тыште мландым шукынжо дачылан налыт. Тачысе кечылан ялыште нимогай социальный оралте уке, кеч ончыч школ, акушер пункт, чодыра участке, кевыт лийыныт. 39 суртышто илат. Шукерте огыл тысе калыкын тыршымыж дене «Верысе тӱҥалтышлан полышым пуымаш» кугыжаныш программе почеш урем корныш тыгыде кӱм шареныт.

Кумданрак — «Марий Эл» газетын
2017 ий 4 ноябрьыште лекше номерыштыже лудын кертыда.

Светлана Носова.

Опубликовать в Одноклассники

Добавить комментарий