Параньга район «Победа» ялозанлык кооператив Элпанур ялыште 120 вуй тӱж тунам йолыштыде ашнаш келыштарыме у вӱтам чоҥен шуктен.
Ынде ятыр жап А.Павловын вуйлатыме тиде озанлык республикысе ончыл предприятий-влак радамыш пура. Тӱҥ сатужо – шӧр ден шыл. Озанлык 2010 ий гыч шем-ола урлык тӱкан шолдыра вольыкым ашныше племенной репродукторлан шотлалтеш. Утларак сай ошкылым ышташ, шукырак продукцийым ыштен налаш але марте вольыкым шогалташ вер ситыдыме нелылык кугу чаракым ыштен. Ынде тудым кораҥден сеҥыме: шукерте огыл тӱж тунам ашнаш у вӱтам жаплан келшыше технологий почеш чоҥен шуктымо. Озанлык проектым илышыш шыҥдараш шкенжын 7,5 миллион тенге оксажым кучылтын.
В.Смоленцев.
