Марий Эл Республикысе Экономический вияҥмаш да торговльо министерстве верысе инициативе-влакын проектыштым теният илышыш шыҥдара.
2017 ийыште пӱтынь республик гыч 101 йодмаш пурен. Тушеч 38 проектым ойырен налыныт. Нуным илышыш пуртышаш акышт 30 млн. наре теҥгешке шуэш.
Звенигово район 11 йодмашым пуэн, тушеч нылытым ойырен налыныт да ынде Суслоҥгер поселкышто светильник ден лампе-влакым светодиодныйлан вашталтат; Кокшайск ял шотан илемыш пурышо Шуйка ден Семеновка яллаште корным ачалат; Красногорский поселкышто хоккей дене модаш келыштарыман йоча спорт площадкым чоҥат. Чыла тиде пашалан республикысе бюджет гыч 2,5 миллион утла теҥге ойыралтшаш.
Л.Камалетдинова.
